Музейимиз жаңа экспонатлар менен толыспақта

Қарақалпақ халқының атақлы қосықшысы Өзбекстан, Қарақалпақстан ҳәм Башқуртстан халық артисти, Бердақ ҳәм Ҳамза атындағы мәмлекетлик сыйлықлардың лауреаты, “Дослық” ҳәм “Эл-юрт ҳурмати” орденлериниң ийеси Байрам Матчановтың Қарақалпақ мәдениятына қосқан үлеси уллы.

Қарақалпақ қосықшылық өнериниң раўажланыўына салмақлы үлес қосқан Байрам Матчановтың үй архивинде сақланып киятырған өзине тийисли ҳүжжетлери, китаплары, портрети, фотосүўретлери ҳәм т.б. затларын Б.Матчановтың қызы Шохиста Матчанова тәрепинен музейимизге саўға ретинде тапсырылды.