SEYFULǴÁBIT MÁJITOV (1867-1938)

Seyfulǵábit Májitov kóp jıllıq dóretiӯshilik miyneti menen qaraqalpaq ádebiyatında úlken shayır, dáslepki dramaturg, prozanı baslaӯshılardıń biri.Sonıń menen birge ol jurnalist, pedagog, aӯdarmashı retinde de belgili. Shayır hám ádebiyatshı Onıń «Jerdi bejer», «Ǵamıń bar», «Jigit», «Qıs», «Báhár paslı» sıyaqlı dáslepki qosıqları arqalı jámiet hám insan máselelerine tereń úńilgenin kóremiz. Dáslepki poeziyalıq shıǵarmaların tiykarınan jámietlik-siyasiy lirika, filosofiyalıq lirika hám tımsallar dep úshke bólip qaraӯ múmkin.

Dramaturg «Ernazar Alakóz» (1926), «Sabaq», «Jigit boldıq», «Sońǵı selteń»(1928) «Baǵdagúl» (1934) pesaları ádebiyatımızdaǵı dáslepki iri dramalıq shıǵarmalar qatarına kiredi.

Dáslepki sabaqlıqlar avtorı: 1925–26 jılları Tashkentte qaraqalpaq tilinde tuńǵısh «Álipbe», «Egedeler sawatı» atlı sabaqlıqların jazıp shıqtı. Bul kitaplar bilim hám tárbiya beriӯde dáslepki oqıӯ quralı retinde úlken áhmietke ie boldı

Balalar ádebiyatınıń tiykarın salıwshı: Onıń balalarǵa arnap «Oqıӯ basqa, oyın basqa», «Jaslarǵa», «Oqıӯǵa kel», «Paydasın biliӯ», «Atalar ay», «Óner bilim», «Hal soraӯ», «Balalarǵa», «Taza jıl», «Tórt máwsim», «Tuwrılıq hám qalpallıq», «Quslar keldi», «Oqıwdandur» h.t.b qosıqların jazdı.

Jádidshilik háreketi wákili: Túrkistandaǵı aǵartıwshılıq háreketiniń, atap aytqanda Ísmayıl Gaspirali, Maxmudxoja Behbudiy sıyaqlı jetekshilerdiń ideyaları menen jaqınnan tanıs bolǵan. Jádidshilik baspasózi úlgisinde óziniń aǵartıwshılıq xızmetin atqarǵan. Sol tiykarda Qońırattaǵı jańa jádidshilik mektebine tiykar saldı.

Dóretiwshiliginiń áhmieti: S.Májitov óziniń shayırlıq talantın, qaraqalpaq shayırlarınıń úlgisin úyreniw, olardıń qosıq úlgisinde shıǵarmalar jazıwdan basladı.

Óziniń ádebiy xızmeti menen dáslep qaraqalpaq xalıq shayırlarınıń biri sıpatında tanılıp, jazba ádebiyattıń iri wákili dárejesine kóterildi.