​ «MUZEYIMIZ JAŃA EKSPONATLAR MENEN TOLÍSPAQTA»

Qaraqalpaq hayal-qızlarınıń milliy kiyimleri hám bezeniw buyımları búgingi kúni xalqımız arasında az bolsa da saqlanıp kiyatırǵanlıǵı quwanıshlı jaǵday. Xalqımız arasında milliy miyraslarımızdıń qádir-qımbatın bilip, keleshek áwladqa miyras etip qaldırıw maqsetinde muzeyge tapsırıp atırǵan insanlar da bar. Bunday milliy miyraslarımızdı qádirlep saqlap kiyatırǵan adamlardı biz húrmet etiwimiz kerek. Kegeyli rayonı, «Abat» APJ turǵını, Ilimpazlar kóshesi №2-jaydıń turǵını Arzuova Miywagúl apamız muzeyimizge kelip óziniń ákesiniń (Arzuov Habibulla) anasınan yaǵnıy kempir apasınan qalǵan miyrasların muzeyge tapsırdı. Kempir apası Eshmuratova Qalbiyke apamız tiykarı Shımbay rayonınıń 9-awıl qızı bolǵan. Miywagúl apamız kempir apasınıń kiygen kiyimlerin muzeyge tapsırıp atırıp kózine jas alıp, bizlerdi de tásirlendirdi. Xalqımız miyrasların saqlap kelgen kegeylishi Arzuova Miywagúlge «Milliy miyrasqa qosqan úlesi» ushın muzey jámááti atınan minnetdarshılıq bildiremiz.