IYShAN QALA TARIYXÍY KOMPLEKSINE SAYAXAT

Berdaq atındaǵı Qaraqalpaq ádebiyatı tariyxı mámleketlik muzeyi, Berdaq atındaǵı Qaraqalpaq mámleketlik universiteti Arxitektura fakultetiniń, Arxitektura qániygeligi studentleri menen birgelikte «Ólshew» ámeliyatın ótkeriw máqsetinde «Iyshan qala» Arxitekturalıq kompleksine sayaxat shólkemlestirdik. Bul jerde talabalar xalqımızdıń milliy arxitekturalıq qurılısları, kórkem-óneriniń úlgileri menen jaqınnan tanıstı. Muzey direktorı Payzullaeva Shárigúl «Iyshan qala» estelik kompleksiniń tariyxı jáne de restavraciya islewdiń áhmieti jóninde aytıp ótti. Bunnan soń student jaslar komplekstegi qorǵan, meshit, medrese, tilewxana, medrese talabalarınıń jataq jayı xám de xalıqtıń turaq jayların kózden ótkerdi. Arxitekturalıq komplekske házirgi kúnde Qaraqalpaqstan Respublikası «Mádeniy miyras» basqarması tárepinen restavraciya jumısları júrgizilip atır. Komplekstiń namaz oqıytuǵın jayı mexrabxananıń sırtları sıbalıp, tóbesi jabılıp, ústinler qayta islenip qoyılǵan. Restavraciya ele dawam etpekte- dedi.Ózbekstan Respubliksı «Mádeniy miyras» agentliginiń Nókis aymaqlıq «Restavraciya orayı» direktorı Xojaniyaz Babaev restavraciya isleniw barısı haqqında aytar eken. Biz oylaymız úlkemizdegi bunday tariyxıy obektlerdi óz qálpinde saqlawǵa hám keleshek áwladqa jetkeriwge úlesimizdi qosıwımız zárúr.