QOLJAZBA XÁM BASPA KITAPLAR MUZEY FONDÍNA TAPSÍRÍLDÍ

Berdaq atındaǵı Qaraqalpaq ádebiyatı tariyxı mámleketlik muzeyi fondına Xalqabad qalasınıń meshitinen bir qansha qoljazba, tasbaspa hám litografiyalar alıp kelindi

Bul eski kitaplarda XIX ásir hám XX ásir basında qaraqalpaqlar arasında tarqalǵan diniy shıǵarmalar menen birge shıǵıs ádebiyatınıń kórnekli wákilleri Áliysher Nawayı, Fuzuliy, Suwfı Allahyar Hafız sıyaqlı ullı danıshpan shayırlardıń qálemine tiyisli qoljazbalardıń nusqaları bolıp tabıladı.

Muzeyge kelip túsip atırǵan eski qoljazba hám baspa kitaplar muzeydiń aǵa ilimiy xızmetkeri Abdisálim Idrisov tárepinen úyrenilmekte